wafae_lol
عضو(ة) مشارك(ة)
 عدد الرسائل : 79
العمر : 30
تقسم أنك ستشارك في المنتدى ؟ : نعم
مستوى العضو(ة) ونشاطه :
وطــني : ![|¦₪¦|حوار مع فرخة ستايل:))بس مهمه اوى •.°]♥ Caaune10](https://i.servimg.com/u/f29/11/43/08/71/caaune10.gif)
مزاجــي : ![|¦₪¦|حوار مع فرخة ستايل:))بس مهمه اوى •.°]♥ Qatary31](https://i.servimg.com/u/f29/11/43/08/71/qatary31.gif)
مهنتــي : ![|¦₪¦|حوار مع فرخة ستايل:))بس مهمه اوى •.°]♥ Studen10](https://i.servimg.com/u/f31/11/43/08/71/studen10.gif)
هوايتــي : ![|¦₪¦|حوار مع فرخة ستايل:))بس مهمه اوى •.°]♥ Swimmi10](https://i.servimg.com/u/f31/11/43/08/71/swimmi10.gif)
sms : wafae_lol@hotmail.fr
تاريخ التسجيل : 24/01/2008
![|¦₪¦|حوار مع فرخة ستايل:))بس مهمه اوى •.°]♥ Empty](https://2img.net/i/empty.gif) |  موضوع: |¦₪¦|حوار مع فرخة ستايل:))بس مهمه اوى •.°]♥ ![|¦₪¦|حوار مع فرخة ستايل:))بس مهمه اوى •.°]♥ I_icon_minitime](https://2img.net/s/t/10/04/47/i_icon_minitime.gif) الخميس 10 أبريل 2008 - 16:14 | |
| طبعا الكل عارف النجمة الفرخة اللامعة اللي عملت أغنية ( إدبحني يا معلم ) اللي نزلت على نجوم إف إم من فترة قريبة
بل و على قنوات الراديو كلها تقريبا .
إنطلاقاً من الشهرة اللي حققتها الأغنية دي قامت شركة ( روتانا فور تشيكن ) بإرسال طاقم من الغربان مكوّن من مذيع
و عدد من المصورين و ذلك لإلقاء الضوء أكثر على نجمتنا الساطعة .
المهم راح الطاقم ده متوجه إلى مزرعة الدواجن اللي الفرخة عايشة فيه وراح المذيع مخبط على باب العشة
تك تك تك تك
النجمة فتحت الباب و بصت فاتخضت راحت قافلة الباب بسرعة
المذيع : حضرتك متخافيش إحنا جايين لحضرتك من شركة ( روتانا فور تشيكن ).
النجمة : و الله ؟ . طب ثواني .
و راحت نجمتنا فاتحة الباب و دخلت الطاقم .
النجمة : إتفضلوا إرقدو عل البيض لغاية لما أجيبلكوا حاجة تشربوها .
المذيع : لأ مفيش داعي حضرتك , إحنا جايين نعمل مع حضرتك إنترفيو مش أكتر .
النجمة : لأ اتفضلوا براحتكو . إسألوني اللي إنتو عايزينه .
المذيع : أولاً , ممكن نجمتنا تعرف نفسها للجمهور .
النجمة : كوكي
المذيع : ممكن الإسم الثلاثي معلش ؟ .
النجمة : كوكي بيض الخزين مسلوق .
المذيع : و بالنسبة للمؤهل الدراسي ؟ .
النجمة : ليه الإحراج ده بقة , للأسف مفيش , بس بعرف أقرا و أنكش .
المذيع : و هل ممكن تقوليلنا عن سنّك ولا ده سرّ من أسرار النجوم ؟
النجمة : عندي 31 شهر .
المذيع : طبعا إحنا عارفين إن كل نجم و ليه هوايات , فإيه هيّا هواياتك ؟ .
النجمة : الصراحة معنديش غير هواية واحدة و هي في نفس الوقت موهبة . الحمد لله بكاكي حلو أوي .
المذيع : و يا ترى بتحبي تكاكي لمين ؟
النجمة : بحب أكاكي للفنان ( كتكوت الصغيّر ) اللي إشتهر بأغنية ( العلف العلف العلف ) .
المذيع : ممكن نجمتنا تقولنا إزاي دخلت الفن من أوسع أبوابه ؟ .
النجمة : و الله أنا كنت مقدمة في ( فراخ أكاديمي ) في المنوفية و كسبت الحمد لله بفضل ربنا أولا و الجمهور .
المذيع : و إيه تعليقك على فنانات الوقت الحالي من حيث الأداء و المظهر .
النجمة : الأداء زفت . أما بالنسبة للمظهر فأنا بتمنى إنهم يتحشموا شوية في الريش اللي بيلبسوه .
المذيع : و بالنسبة للفنانين .
النجمة : نفس الكلام برده , بلاحظ إن كل ديك يطلع يغني يجيب حواليه ميت فرخة مودلز بريش خليع و حركات
تخلّ بالعرف .
المذيع : في نهاية الحوار عايزين نجمتنا تقول كلمة للجمهور .
و فجأة دخل صاحب المزرعة و ف إيده سكينة , راحت الفرخة بلعت ريقها
و قالت : أتمنى إن جمهوري العزيز يفتكرني بالخير , وسلام بقة عشان رايحة أصور الكليب .
المهم بعد يوم إنتشر خبر وفاة نجمتنا على جميع القنوات اللي بتطير و الأرضية و عم الحزن عل الجميع.
و واجب علينا إننا نقرالها الفاتحة
و عل العموم بالهنا و الشفا للي كلها
و بقوله اللي ياكل لوحده يزور | |
|
![|¦₪¦|حوار مع فرخة ستايل:))بس مهمه اوى •.°]♥ Left_bar_bleue](https://2img.net/i/fa/i/left_bar_bleue.jpg)
![|¦₪¦|حوار مع فرخة ستايل:))بس مهمه اوى •.°]♥ Right_bar_bleue](https://2img.net/i/fa/i/right_bar_bleue.jpg)
